Benni Naglbítur

2003-11-27T16:16:00.000-08:00

Var að koma heim, var að spila fyndnasta gigg ævi minnar. Ekki nóg með að ég væri með láns trommusett sem var vont þá upplifði ég eitt fyndnasta atriði ævi minnar áðan. Við vorum að spila lag allir í góðum fíling þá allt í einu heyrist svaka trommutaktur í hljóðkerfinu og þá hafði hljómborðsleikarinn, nefnum hann ekkert á nafn;), rekið sig í takkan sem að startar trommugrúfinu á hljómborðinu. Þetta fannst mér svo fyndið að ég ætlaði ekki að geta spilað sjálfur...... Gaman að lenda í svona þessu man maður eftir.....................alla tíð;)

2003-11-27T02:45:00.000-08:00

Ég er hugsanlega versti bloggari í heimi...... Nei það eru til bloggarar sem eru verri en ég. Annars hef ég það fínt. Það er svo mikið að gera að ég held stundum að ég fari að senda einhvern annan í störfin mín gegn greiðslu. Ég þyrfti að fá mér ritara og auka manneskju sem myndi ,,söbba" mig í hinum ýmsu verkum. Annars er þetta alltaf svona í nóvember og desember það er eins og öllum langi allt i einu rosalega mikið að hlusta á tónlist.............

2003-11-12T05:33:00.000-08:00

Nú er gaman í skólanum, við erum búin að vera mjög dugleg sérstaklega í upplýsingatækni að gera vefinn okkar. Ég er líka að fara til Akureyrar um helgina að spila í Sjallanum og búist er við hörku stemmara þar. Ég hlakka líka til að fara til Ísafjarðar að spila í lok mánaðarins.

2003-10-29T03:24:00.000-08:00

já hey ..... svo hlakka ég líka til að fá upptökuna í upplýsingatækni sem ég gerði fyrir viku. Ég hlakka til svo margs.... það er nefninlega gaman að vera ég:)

2003-10-29T03:22:00.000-08:00

Ég get ekki sagt annað en að mig hlakki til jólanna. Þegar kólnar svona úti, og dimmt er á morgnanna finnst mér jólalegt. Þá dreg ég fram þykku eskimóaúlpuna mína legg hana þétt upp að líkama mínum líkt og bjarnarmamma gerir við húnanna sína. Ég verð samt að passa mig í umferðinni, dekkin á bílnum mínum eru ekki góð, reyndar skil ég ekki alveg þessi heilsársdekk mér finnst þau alveg eins og venjuleg dekk. Ég sé ekki að gúmmíið sem er í þeim sé eitthvað öðruvísi en venjulegt gúmmí. Síðan prófaði ég að bremsa í hálku og bíllinn rann bara hmmmmmm...... Heilsársdekk!!spurning?
takk fyrir mig

2003-10-28T06:02:00.000-08:00

Hversu mikið af verkefnum getur legið fyrir hjá einum manni........ En þetta er ekkert sem ég ræð ekki við. Það virðist bara allt koma í einu á mann. Það þýðir ekkert annað en að bíta á jaxlinn og kýla þetta áfram............

2003-10-14T13:33:00.000-07:00

jæja ég kláraði ljóðaverkefnið á réttum tíma og meira að segja búinn að prenta það út. Nú ætla ég að taka mig taki í skólanum og reyna að standa mig betur.

2003-10-11T14:16:00.000-07:00

Jæja það er mikið búið að vera að gerast hjá mér í vikunni. Við Naglbítar með útgáfutónleika sem gengu dúndurvel og voru um 500 manns í húsinu og frábær stemning. Núna er ég að fara að spila á styrktartónleikum í sambandi við Geðhjálp í Austurbæ en við eigum að fara á svið eftir ca 2 tíma. Og ég þarf nú að fara að gera mig klárann. bless í bili

2003-10-08T07:27:00.000-07:00

Nú er veðrið orðið betra, ég er jafnvel að hugsa um að fara í göngutúr í dag með Írisi minni. Það er svo gott að anda að sér fersku vesturbæjarloftinu.

2003-10-07T14:44:00.000-07:00

Það styttist óðum í útgáfutónleika okkar Naglbíta sem verða þann 9.okt á Nasa. Mig er farið að hlakka mikið til því að við verðum með flott sjóv. Að vísu er Kári bassaleikari búinn að vera veikur í dag en hann verður að vera orðinn frískur á morgun til að við getum tekið æfingu annað kvöld. Við eigum lika að vera í Ísland í dag annað kvöld og spila beint. Kári stattu þig hlunkur....

2003-10-05T15:45:00.000-07:00

Nú var ég að koma úr sveitinni með henni Írisi minni en við vorum þar yfir helgina í rólegu og góðu sveitalofti. Við fórum í rosalegan göngutúr í dag upp á fjöll og þegar við komum upp á topp var útsýnið mjög fallegt, þar sáum við yfir Reynisdranga, Pétursey og næstum því að Skógum svo gott var veðrið. En nú er ég þreyttur og segi bless

2003-10-01T07:52:00.000-07:00

jæja nú er ég búinn að finna fínt efni fyrir vefleiðangurinn en ég sá heimildarmynd um daginn um válynd veður og finnst því upplagt að nota veður og veðurfar í vefleiðangurinn kíkið á það ........ nemendur.khi.is/benebryn/skolastarf

2003-09-29T09:03:00.000-07:00

Jæja hér sit ég og geri vísnaverkefni sem ég átti að skila á föstudaginn fyrir helgi. Það má segja að ég sé með allt niðrum mig þessa daganna en svona er að vera rokkari það gengur fyrir að blása á sér hárið......

2003-09-27T10:39:00.000-07:00

Nú ætla ég aðeins að tala um mína upplifun á tækninni. Ég er einn af þeim sem er tækja frík og er mjög tæknivæddur náungi. Ég eignaðist minn fyrsta GSM síma 1998 en þá var ég 19 ára gamall. Gsm siminn er mitt vinnutæki því að ég nota hann mikið í sambandi við hljómsveitarstússið. Ég á líka fartölvu sem ég eignaðist fyrir einu ári og nota hana einnig í sambandi við hljómsveitina en þá er ég mikið að nota netið, tölvupóst og dagatalið í Microsoft Outlook. Heima hjá mér er 10mb internettenging sem að telst mjög gott en ég bý á stúdentagörðum HÍ. Mér finnst erfitt að nota internettengingar sem að erum minni en 10mb því að það virðist taka heila eilífð að hlaða inn síðum. Eitt af því sem ég notaði einu sinni sem dagbók var lófatölva sem reyndist mér ágætlega hún var samt ekki það fullkomin að maður gæti notað netið en maður gat sótt tölvupóst í hana. Ég fílaði hana samt ekki en núna í dag nota ég bara Outlookið og tek fartölvuna með mér hvert sem ég fer. Ég nota internetið mjög mikið og hef einnig verslað í gegnum það með góðum árangri. Ég versla mikið trommudót aðallega frá Ameríku og líka hef ég verslað geisladiska og fleira. Með internetinu kom MSN spjallið sem ég tel vera mikla snilld en ég nota það mikið og t.d til að tala við vini mína í útlöndum. MSN er mjög þægilegur máti því að það kostar yfirleitt ekki neitt því að flestir skólar og vinnustaðir bjóða upp á sítengingu á internetinu og þar af leiðandi getur maður komist í MSN þegar maður hefur tíma. Það sem ég er nú mikið tækjafrík það fjárfesti ég mér í þráðlausri internettengingu fyrir heimilið mitt og erum við tvö að nota hana. Þetta er algjör snilld því að maður getur verið með tölvuna hvar sem er í íbúðinni og alltaf verið online.
Ég á náttúrulega stafræna myndavél sem ég nota mjög mikið og er gaman að geta tekið myndir af hverju sem er og jafnvel út í loftið og farið síðan heim og sett þær inn í tölvuna, skoðað og hent út þeim myndum sem mistókust. Ég á líka minidisc tæki sem ég nota með hljómsveitinni minni en þar nýtum við okkur tæknina og búum okkur til svokallað ,,playback" þar sem auka undirleikur er spilaður af tækinu.
Ef við spáum í hvernig framtíðin verður í tæknibransanum þá tel ég að allir hlutir eigi eftir að minnka. Þá á ég við að tölvur verði minni um sig og öflugri, allt er gert til að hafa tækin lítil, öflug og fyrirferðalítil. Ég hef trú á að við eigum eftir að tala við aðra, t.d eins og þegar við tölum saman á MSN, með sýndarveruleika þannig að maður er að tala við einhvern í persónu en samt ekki. Þetta yrði gert með myndavélum líkt og vefmyndavélarnar eru í dag bara miklu fullkomnari. Samskipi í framtíðinn eiga eftir að fara flest í gegnum tölvu og innkaup, verslun og fleira einnig í gegnum netið. Ameríkanar eru mjög duglegir að versla í gegnum netið en það hefur ekki alveg náð fótfestu hér á landi en ég held að það eigi eftir að vera einhverskonar vakning á því á næstu árum.

2003-09-27T10:16:00.000-07:00

Ég er þreyttur eftir gærkvöldið. Við vorum að spila og það var gaman. Það tekur mikið á að spila svona rokk fram eftir nóttu.

2003-09-25T07:46:00.000-07:00

Jæja þá er ég kominn frá Akureyri. Við 200.000 Naglbítar vorum að spila á busaballi Menntaskólans þar í bæ. Þar mættu hvorki fleiri né færri en 700 manns og aldrei hafa jafn margir mætt á skemmtun skólans.

2003-09-10T08:07:00.000-07:00

Vefurinn sem ég ætla að velja er vefur Norðurmjólk á Akureyri.

spurningar
1 Hvað hét mjólkurvinnslufyrirtækið fyrir árið 2000?
2 Hvað er boðið upp á í Norðumjólkurskólanum?
3 75% af því kalki sem við fáum úr fæðunni kemur úr...?
4 Hvaða fræga leikkona hreifst af KEA skyri?
5 Hvert er geymsluþolið á Dreitli?
6 Hve margar tegundir eru til af skyri?
7 Hvað er boðið upp á margar pakkningar á Nýmjólk
8 Fyrirtækið Norðurmjólk er staðsett á...?
9 Hve marga vöruflokka framleiðir Norðurmjólk?
10 Í lógói Norðurmjólk er mynd af dýri..?

2003-09-10T07:25:00.000-07:00

Verkefni,hugmyndir einhver hmmmmm. ég má gera hvað sem er en bara að það tengist skólanum á einhvern hátt. ég velti þessu fyrir mér í dag og skrifa aftur seinna.

bb

2003-09-10T06:05:00.000-07:00

Jæja nú ætla ég að segja frá sjálfum mér. Ég heiti Benedikt Brynleifsson og kem frá Akureyri. Ég hef lítið gert annað um ævina en að spila á trommur og vera góður við annað fólk. Ég er búinn að búa í Reykjavík síðan haustið 2000. Ég hef unnið á leikskóla, í mjólkursamlagi, ritfangaverslun og fleira og fleira. Ég stefni á frekara nám eftir Kennó og ætla að fara í Talmeinafræði til Kaupmannahafnar.
Ef þú vilt vita meira um mig, kíktu þá á heimasíðuna mína
Til að sýna hvað ég er góður að vinna með bloggið ætla ég að setja inn nokkra linka. til dæmis batman.is en þar er að finna skemmtilegt afþreyingarefni og leiki. Einnig eru leikir á tilveran.is og eru þeir allskemmtilegir sumir og get ég þar nefnt einn sérstakann sem er dvergakast.

takk

2003-09-10T04:58:00.000-07:00

jæja nú er Biggi vinur minn fluttur til Los Angeles að læra meira á bassann sinn. Ég kem ekki til með að sjá hann í ár en ætla að reyna að heimsæja hann næsta sumar.

2003-09-04T06:23:00.000-07:00

Enginn skóli í dag. Ég er að læra á stundatöfluna mína og held að ég sé búinn að ná tökum á henni í eitt skipti fyrir öll.

2003-09-03T07:50:00.000-07:00

Nú er netið að stíða bekkjarfélögum mínum eitthvað en vonandi kemst það í lag sem fyrst

2003-09-03T07:45:00.000-07:00

Góðann daginn. Nú er ég að opna spjallvef þar sem ég spjalla um mig og annað. Ég heiti Benedikt Brynleifsson og er í hljómsveitinni 200.000 Naglbítum sem er ein besta hljómsveit sem Ísland hefur átt.